2022-12-15 14:51
Լրատվական գործակալություններ
0
«Փաստ». ՀԱՅԱՍՏԱՆԻ ԻՇԽԱՆՈՒԹՅՈՒՆՆԵՐԸ ՈՐԵՎԷ ՔԱՅԼ ՉԵՆ ՁԵՌՆԱՐԿՈՒՄ ԱՐՑԱԽԻ ՇՈՒՐՋ ՍՏԵՂԾՎԱԾ ԻՐԱՎԻՃԱԿԻ ԱՌՈՒՄՈՎ
«Փաստ» թերթը գրում է. «Հայաստանի իշխանությունները որևէ քայլ չեն ձեռնարկում Արցախի շուրջ ստեղծված իրավիճակի առումով: Փոխարենը ակտիվ են ընդդիմադիր քաղաքական ուժերը: Մի կողմից՝ երեկ հանրահավաք էր նախաձեռնվել Հանրապետության հրապարակում, մյուս կողմից՝ առանձին ուժեր դիմումներ են հղում միջազգային կազմակերպություններին:
Ի մասնավորի, երեկ «Ապրելու երկիր» կուսակցության նախագահ Մանե Թանդիլյանը տեղեկացրել է, որ նամակներ է ուղարկել Հայաստանում ՄԱԿ-ի մշտական համակարգողին, ՄԱԿ-ի Անվտանգության խորհրդի 15 անդամների դեսպանատներին, արտաքին գործերի նախարարություններին՝ Արցախում ստեղծված հումանիտար աղետը կանխելու նպատակով ՄԱԿ-ի շրջանակներում քայլեր ձեռնարկելու նպատակով»։
