Հունաստանի ԱԳՆ-ն Ադրբեջանին հորդորում է բացել Լաչինի միջանցքը

Հունաստանն Ադրբեջանի իշխանություններին հորդորում է բացել Լաչինի միջանցքը։

«Հունաստանն Ադրբեջանի իշխանություններին կոչ է անում ազատ տեղաշարժ ու երթևեկության անվտանգություն ապահովել Լաչինի միջանցքի երկայնքով, երկու ուղղություններով` առանց որևէ նախապայմանի` 2020-ի եռակողմ հայտարարության համաձայն։ Տեղի բնակչությունը պետք է ազատվի զրկանքներից և տառապանքներից»,–ասված է Հունաստանի ԱԳՆ-ի հայտարարության մեջ, որը հրապարակվել է Twitter–ում։

Նշենք, որ Ադրբեջանին կոչերով ու հորդորներով ավելի վաղ դիմել էին նաև ԵՄ-ն, ԱՄՆ–ն, Ֆրանսիան, Կիպրոսը, Կանադան։

Sputnik Արմենիա