«Հրապարակ». ՓԱՇԻՆՅԱՆՆ ԱՌԱՋԱՐԿԵԼ Է, ՈՐ «ՄՈՒԶԻԿԱՆՏՆԵՐԻՆ» ԲԵՐԵՆ ՀՅՈՒՐԱՆՈՑ. ՈՂՋ ԳԻՇԵՐ ՔՊ-ԱԿԱՆՆԵՐԸ ՔԵՖ ԵՆ ԱՐԵԼ ՋԵՐՄՈՒԿՈՒՄ

«Հրապարակ» թերթը գրում է. «Դեկտեմբերի 17-ին, ինչպես հայտնի է, ՔՊ էլիտան Ջերմուկում էր. Վայոց Ձորի նախկին մարզպետին պատկանող «Հայաթ» հյուրանոցում նոր ստեղծված մարմնի՝ ՔՊ քաղաքական խորհրդի անդրանիկ նիստն էր, որը վարել է կուսակցության նախագահ Նիկոլ Փաշինյանը։

Չնայած մամուլում լուրեր տարածվեցին, թե Փաշինյանն այդ օրը բավականին անտրամադիր է եղել և ՔՊ-կաններին հասկացրել է, թե չի ներում վարչության ընտրությունների կեղծիքները, սակայն մենք տեղեկացանք, որ օրվա ավարտին նա բոլորի համար անակնկալ առաջարկել է, որ «մուզիկանտներին» բերեն հյուրանոց՝ լավ քեֆ ենք անելու։

Կուսակցականներին առաջին պահին թվացել է, թե Փաշինյանը հումոր է անում կամ իրենց է փորձում՝ չեն հավատացել, որ քեֆի տրամադրություն կա, երբ փակ է Արցախի ճանապարհը, և հազարավոր մարդիկ բլոկադայի մեջ են։ Մեզ ասացին, որ ողջ գիշեր ՔՊ-ականները «տժժացել» են Ջերմուկում»։

Aysor.am