Երվանդ ՎԱՐՈՍՅԱՆ․ ԲԴԽ-Ն ՉՓԱՍՏԵՑ ԱՐԴԱՐԱԴԱՏՈՒԹՅԱՆ ՄԱՀԸ ՀԱՅԱՍՏԱՆՈՒՄ։ ԴԱ ՓԱՍՏՎԱԾ Է ԱՐԴԵՆ ՎԱՂՈՒՑ
Փաստաբան Երվանդ Վարոսյանն անդրադարձել է դատավոր Աննա Փիլոսյանի լիազորությունները դադարեցնելու մասին ԲԴԽ որոշմանը․
«Դատավոր Աննա Փիլոսյանի լիազորությունները դադարեցնելու մասին որոշում կայացնելով՝ ԲԴԽ-ն չփաստեց արդարադատության մահը Հայաստանում։ Դա փաստված է արդեն վաղուց, հայտարարել է փաստաբան Երվանդ Վարոսյանը՝ անդրադառնալով դատավոր Աննա Փիլոսյանի լիազորությունները դադարեցնելու մասին ԲԴԽ որոշմանը։
Բայց Ռուբեն Մելիքյանին հարվածելու համար, այն էլ շիտակ ու հայրենանվեր գործունեության համար, դադարեցնել նրա կնոջ լիազորությունները, անբարոյականություն է։ Իսկ անբարոյականությունը ցմահ խարան է։
Հ.Գ. Այս խարանի տակ մնացին նաև Աննա Փիլոսյանի կարգապահական վարույթի առիթ ու պատճառ դարձած փաստաբանները, ովքեր Ռուբեն Մելիքյանի արդար գնահատականին ուղիղ պատասխանել անկարող, ընտրեցին նրա ընտանիքին խփելու տարբերակը։
Շնորհավորում եմ Աննա Փիլոսյանին։ Աստված բոլորիս մեր սրտով տա»,- գրել է Երվանդ Վարոսյանը՝ սոցցանցի իր էջում։
Նշենք, որ ԲԴԽ-ն այսօր բավարարել է ԱՆ միջնորդությունը և Արցախի նախկին ՄԻՊ, ներկայում՝ ակտիվ իրավապաշտպանական գործունեությամբ զբաղվող Ռուբեն Մելիքյանի կնոջ՝ դատավոր Աննա Փիլոսյանի նկատմամբ կիրառել է ամենախիստ պատժի տեսակը՝ դադարեցնելով նրա լիազորությունները։
