ՀՀ ԶՈւ ամբողջ անձնակազմը մեկ դրույքաչափ պարգևավճար է ստացել

Ամանորյա տոներին ընդառաջ ՀՀ զինված ուժերի ամբողջ անձնակազմը պարգևավճար է ստացել։ Տեղեկությունը Sputnik Արմենիային հայտնեց ՀՀ պաշտպանության նախարարության մամուլի քարտուղար Արամ Թորոսյանը։

«ՀՀ պաշտպանության նախարար Սուրեն Պապիկյանի հրամանով զինված ուժերի ամբողջ անձնակազմը մեկ պաշտոնային դրույքաչափ պարգևավճար է ստացել, ինչը, կարող եմ ասել, որ զինված ուժերում աննախադեպ է»,– ասաց նա: