ԱԺ-ում շարունակվում է Ս. Օհանյանի նկատմամբ քրեական հետապնդում հարուցելուն համաձայնության քննարկումը (ՏԵՍԱՆՅՈՒԹ)

Ազգային ժողովը շարունակում է հերթական նիստի աշխատանքները։ Դռնփակ ռեժիմով շարունակվում են Պաշտպանության նախկին նախարար, Ազգային ժողովի պատգամավոր Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին ՀՀ գլխավոր դատախազի ներկայացրած միջնորդության քննարկումները:

«Նիստը փակ է՝ դրանից բխող բոլոր պայմաններով և հետևանքներով»,- ասաց ՀՀ ԱԺ նախագահ Ալեն Սիմոնյանը՝ լրագրողներին ու օպերատորներին խնդրելով լքել դահլիճը:

Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին դատախազի առաջին միջնորդությունը քննարկվել էր բաց ռեժիմով, երկրորդը՝ դռնփակ:

Նշենք, որ այսօր կքննարկվի նաև «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելուն համաձայնություն տալու մասին ՀՀ գլխավոր դատախազի միջնորդությունը:

News.am