Պրակտիկորեն հնարավորություն չեմ տեսնում. Սիմոնյանը` Արցախն Ադրբեջանին վերաինտեգրելու մասին

ԱԺ նախագահ Ալեն Սիմոնյանն այս պահի դրությամբ հնարավորություն չի տեսնում Արցախն Ադրբեջանին վերաինտեգրելու հարցում։

Այս մասին Սիմոնյանն ասաց լրագրողների հետ ճեպազրույցում` պատասխանելով հարցին, թե ինչ դիրքորոշում ունի Հայաստանը այդ հարցում։

«Մեծ, շատ մեծ ճանապարհ պետք է անցնի, որպեսզի պրակտիկորեն նման բան հնարավոր լինի։ Անկեղծ ասած, այսօր ես նման հնարավորություն չեմ տեսնում»,– ասաց Սիմոնյանը։

Նրա խոսքով` անհասկանալի է, թե ինչ վերաինտեգրման մասին է խոսքը, երբ ուղիղ կերպով Ադրբեջանը կրակում է մարդկանց վրա։

Սիմոնյանը, ինչպես վարչապետն ու արտգործնախարարը հայտարարեց, որ անհրաժեշտ է միջազգային փաստահավաք առաքելություն ուղարկել Լեռնային Ղարաբաղ ՝ ընդգծելով, որ Ադրբեջանը գնում է էթնիկ զտումների ճանապարհով։

Sputnik Արմենիա