ԵԽԽՎ-ն 1 րոպե լռությամբ հարգանքի տուրք է մատուցել Հայոց ցեղասպանության զոհերի հիշատակին

ԵԽԽՎ–ն մեկ րոպե լռությամբ հարգանքի տուրք է մատուցել Հայոց ցեղասպանության սուրբ նահատակների հիշատակին։ Տեղեկությունը հայտնում է ՀՀ ԱԺ «Քաղաքացիական պայմանագիր» խմբակցության պատգամավոր Վլադիմիր Վարդանյանը։

ԵԽԽՎ լիագումար նիստի ժամանակ Վարդանյանն ընդգծել է, որ այսօր ապրիլի 24-ն է` Մեծ եղեռնի զոհերի հիշատակման օրը։

«Ամբողջ աշխարհում մենք հարգում ենք 1915-1923 թթ. տեղի ունեցած Հայոց ցեղասպանության զոհերի հիշատակը։ Խնդրում եմ մեկ րոպե լռությամբ հարգել միջազգային այս ոճրագործության զոհերի հիշատակը»,– նիստի ժամանակ ասել է ՔՊ–ական պատգամավորը: