Ադրբեջանը կրակել է հայկական դիրքի և շտապօգնության մեքենայի ուղղությամբ. 2 վիրավոր ունենք

Ադրբեջանի ԶՈւ–ն կրկին կրակ է բացել Սոթքի հատվածում տեղակայված հայկական դիրքի ուղղությամբ: Տեղեկությունը հայտնում է ՀՀ պաշտպանության նախարարությունը։

«Մայիսի 17-ին՝ ժամը 16:15-ի սահմաններում, Ադրբեջանի ԶՈւ ստորաբաժանումները կրակ են բացել Սոթքի հատվածում տեղակայված հայկական դիրքի ուղղությամբ, ինչի հետևանքով վիրավորում է ստացել ՀՀ ՊՆ զինծառայող»,– ասված է հաղորդագրությունում:

Ըստ ՀՀ ՊՆ–ի` այնուհետև Ադրբեջանի ԶՈւ ստորաբաժանումները կրակ են բացել վիրավոր զինծառայողին տեղափոխող շտապօգնության մեքենայի ուղղությամբ: Շտապօգնության մեքենայի ուղղությամբ հակառակորդի բացած կրակից վիրավորում է ստացել նաև բուժակը:

Գերատեսչությունը վիրավորում ստացած զինծառայողի և բուժակի առողջական վիճակի մասին լրացուցիչ կհայտնի:

Sputnik Արմենիա