Քաղաքացիները որոշեցին երթով շարժվել կառավարություն (ՏԵՍԱՆՅՈՒԹ)

Շենգավիթի դատարանի բակում հավաքված քաղաքացիները Արշակունյաց պողոտան մի քանի րոպե փակ պահելուց հետո որոշում կայացրեցին երթով շարժվել կառավարության շենք: Նրանք պահանջում են ահապաղ ազատ արձակել զոհված Ժորա Մաիտիրոսյանի մայրիկին՝ Գայանե Մարտիրոսյանին:

Նրանք վանկարկում են «Ազատություն», «Առանց Նիկոլ Հայաստան»:

Երթը հսկում են մեծ թվով ոստիկանական ուժեր:

Նշենք, որ րոպեներ առաջ դատարանը մեկ ամսվո կալանավորեց Գայանե Մարտիրոսյանին:

Հիշեցնենք, որ մայիսի 17-ին, վարչապետի ընտանիքին պատկանող «Հայկական ժամանակը» տեղեկություն էր տարածել, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան:

Աշոտ Փաշինյանը դեպքի առնչությամբ հաղորդում է ներկայացրել: Քննչական կոմիտեում նախաձեռնվել է քրեական վարույթ՝ մարդուն առևանգելու հոդվածով, ձերբակալվել է Գայանե Մարտիրոսյանը։

Տիկին Գայանեն անժամկետ հացադուլ է հայտարարել։

News.am