Մանիլով․ Կարևոր է աջակցել Ադրբեջանի և Հայաստանի միջև խաղաղ բանակցություններին

Կարևոր է աջակցել Ադրբեջանի և Հայաստանի միջև խաղաղ բանակցություններին: Այս մասին Բաքվում ԱՊՀ երկրների սահմանապահ զորքերի հրամանատարների խորհրդի նիստից հետո հայտարարել է ԱՊՀ երկրների սահմանապահ զորքերի հրամանատարների խորհրդի համակարգող ծառայության նախագահ, գեներալ-գնդապետ Ալեքսանդր Մանիլովը։

«Ադրբեջանի և Հայաստանի միջև բանակցային գործընթացին պետք է աջակցել»,-ասել է նա։

Մանիլովը ողջունել է Հայաստանի ներկայացուցիչների մասնակցությունն այդ նիստին։

«Հուսով եմ, որ հաջորդ նիստին, որը տեղի կունենա Հայաստանում, ներկա կլինի նաև Ադրբեջանի պատվիրակությունը»,-նշել է նա։

Նշենք, որ Բաքվում այսօր ընթանում Է ԱՊՀ սահմանապահ զորքերի հրամանատարների խորհրդի 86-րդ նիստը: Նիստին մասնակցում են նաև Հայաստանի, Ադրբեջանի, Ռուսաստանի, Բելառուսի, Ղազախստանի, Ղրղըզստանի, Ուզբեկստանի, Տաջիկստանի, Թուրքմենստանի սահմանային ծառայությունների ներկայացուցիչները:

News.am