ՀՀ ՊՆ․ Ադրբեջանի ԶՈւ-ն կրակել է Վերին Շորժայի ու Սոթքի դիրքերի ուղղությամբ

Ադրբեջանական զինուժը կրկին կրակ է բացել հայկական դիրքերի ուղղությամբ։ Տեղեկությունը հայտնում է ՀՀ պաշտպանության նախարարությունը։

«Հունիսի 22-ին՝ ժամը 22:55-00:45-ը, Ադրբեջանի ԶՈւ ստորաբաժանումները տարբեր տրամաչափի հրաձգային զենքերից կրակ են բացել սահմանագոտու արևելյան (Վերին Շորժա, Սոթք) հատվածում տեղակայված հայկական դիրքերի ուղղությամբ»,– ասված է հաղորդագրությունում:

ՊՆ–ն տեղեկացնում է նաև, որ հայկական կողմում տուժածներ չկան:

Հիշեցնենք` երեկ ադրբեջանական կողմը կրակ էր բացել Ներքին Հանդի և Սրաշենի (Սյունիքի մարզ) հատվածում տեղակայված հայկական դիրքերի ուղղությամբ:

Ավելի ուշ ՊՆ–ն հայտնեց, որ ադրբեջանական զինուժը կրակել է նաև Երասխում (Արարատի մարզ) կառուցվող գործարանի ուղղությամբ։

Sputnik Արմենիա