Ադրբեջանցիների առևանգած հայ զինվորականների «գործում» «տուժածներ» են հայտնվել

Ադրբեջանական ԶԼՄ-ները ներկայացնում են մայիսին Հայաստանի տարածքից առևանգված երկու զինծառայողի՝ Հարություն Հովակիմյանի և Կարեն Ղազարյանի «գործի» նոր մանրամասներ։

Ինչպես տեղեկացրել է APA-ն, քրեական գործը հանձվել է Սումգայիթի ծանր հանցագործությունների դատարանի դատավոր Ֆահմին Գումբատովին։ Գործով տուժածներ են ճանաչվել 4 ադրբեջանցիներ՝ Էլթում Սարքարլին, Ռզա Ալլահվերդիևը, Ասիֆ Բաբաշովը և Իբրահիմ Շիխլարովը։ Նախնական դատական նիստը նշանակված է հուլիսի 3-ին։

Թե որտեղից «գործում» հայտնվեցին «տուժածներ»՝ կարելի է միայն կռահել, մանավանդ հաշվի առնելով, որ մինչ այս պահը ոչ մի հիշատակում «տուժածների» մասին չկար։

News.am