Սեմյոն Բաղդասարով. ԼՂ-ի ողբերգական իրադարձությունները ամենամեծ ամոթն են ողջ աշխարհի համար (ՏԵՍԱՆՅՈՒԹ)

Լեռնային Ղարաբաղի ողբերգական իրադարձությունները ամենամեծ ամոթն են ողջ աշխարհի համար. Բարբարոսաբար արգելափակված բնակչությունը չունի տարրական սնունդ, բժշկական օգնություն, ասել է Մերձավոր Արևելքի և Կենտրոնական Ասիայի երկրների ուսումնասիրության կենտրոնի տնօրեն Սեմյոն Բաղդասարովը։

Ադրբեջանի կողմից սա Լեռնային Ղարաբաղի հայերի ցեղասպանության և ռուս խաղաղապահների վարկաբեկման միտումնավոր նախապատրաստություն է։ Տարածաշրջանը գրավելով ժողովրդին հյուծելու համար ադրբեջանա-թուրքական կողմը դուրս է մղելու բնակչությանը՝ աստիճանաբար ոչնչացնելով մշակույթը։

Ինչպե՞ս է աշխարհն արձագանքում սրան: ՈՉ ՄԻ ԿԵՐՊ.

Ինչպե՞ս է սրան արձագանքում Հայաստանի ղեկավարությունը։ Միգուցե վերջապես հասկանաք, որ եկել է ռազմական և ազգային անվտանգության հարցերով զբաղվելու ժամանակը։