Ավինյանը քարոզարշավի ժամանակ հանձնարարականներ է տալիս պաշտոնյային (ՏԵՍԱՆՅՈՒԹ)

Փոխքաղաքապետ Տիգրան Ավինյանը Երևանում քարոզարշավի ժամանակ հեռախոսով տրանսպորտի հետ կապված հանձնարարություններ է տալիս քաղաքապետարանի պաշտոնյաներին, ըստ էության, չարաշահելով վարչական ռեսուրսը:

Նրան փոխանցում են հեռախոսը՝ ասելով, որ զանգահարել է Վազգենը (ամենայն հավանականությամբ խոսքը քաղաքապետարանի տրանսպորտի վարչության պետի պաշտոնակատար Վազգեն Հարությունյանի մասին է-խմբ»):

Ավինյանը վերցնելով հռախոսը, ասում է. «Վազգեն ջան, մենք հիմա Արարատյան զանգվածում ենք, այստեղ տրանսպորտի հարցը սուր է: «Գազելներից» ենք դրել երկու հատ և ենթադրում եմ՝ իրենց քանակի պակասությունը նաև ստեղծում է խնդիր մարդկանց համար: Մենք ունե՞նք տարբերակ, թեկուզ 30 հատը բերելուց հետո ինչ-որ բան դիտարկել:

Բայց հաշվի առ, որ ես նաև Սարի թաղում եմ մարդկանց խոստացել, որ «Պազիկը» պետք է փոխենք: Քանի՞ նոր գիծ ենք կարողանում ստեղծել:

Մեկ էլ մի տրանսպորտ Դավիթ Բեկով է պետք լինելու գնա՝ Էրեբունիից մինչև Մասիվ: Վսյո, դե ես էստեղ ժողովրդին հստակ ասում եմ, խոսքս գետնով չտաս, Վազգեն»:

News.am