«Ժամանակը սպառվում է». Փարիզի քաղաքապետը լուսանկար է հրապարակել Հայաստանից

Փարիզի քաղաքապետ Անն Իդալգոն Հայաստանում է` Արցախին շտապ օգնություն ցուցաբերելու համար։ Այս մասին նա գրառում է արել X–ի իր միկրոբլոգում։

Հայտնել ենք, որ Փարիզի քաղաքապետ Անն Իդալգոն օգոստոսի 30-ին Հայաստան կժամանի Արցախ ուղարկվող հումանիտար օգնությունն անձամբ ուղեկցելու համար։

«Ես Հայաստանում եմ Փարիզի և այլ համայնքների ներկայացուցիչների հետ։ Ինը ամիս շարունակ Արցախի 120.000 հայ, այդ թվում՝ 30.000 երեխա, մեկուսացված են, քաղցած, զրկված ամեն ինչից»,– գրել է Իդալգոն:

Նա նաև նշել է, որ այս հումանիտար աղետին բախվելով՝ իրենք ԼՂ–ին շտապ օգնություն են ցուցաբերում։

«Ժամանակը սպառվում է»,– հավելել է նա։

Sputnik Արմենիա