ՌԴ ՊՆ․ Լեռնային Ղարաբաղում ՌԴ խաղաղապահները արձանագրել են հրադադարի խախտման երկու դեպք
Լեռնային Ղարաբաղում ՌԴ խաղաղապահները արձանագրել են հրադադարի խախտման երկու դեպք, հայտնում է ՌԴ ՊՆ մամուլի ծառայությունը։
«ԼՂ Մարտակերտի շրջանում արձանագրվել է հրադադարի խախտման երկու դեպք, զոհեր և վիրավորներ չկան։ Մարտունու շրջանում հրետակոծության հետևանքով վիրավորվել է Լեռնային Ղարաբաղի մեկ զինծառայող»,–ասված է հայտարարության մեջ։
Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այդ փաստերի առնչությամբ։
Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբի հետ։
Սեպտեմբերի 13–ին հայտնել էինք, որ ադրբեջանական զինուժը Նոր Շենի ուղղությամբ խախտել է հրադադարը` կիրառելով հրաձգային զենք։ Հրադադարի խախտման հետևանքով հայկական կողմում կա մեկ վիրավոր։ Նրա կյանքին վտանգ չի սպառնում՞։
Sputnik Արմենիա