ԵՄ-ն դատապարտում է ԼՂ-ում շփման գծում և այլ կետերում էսկալացիան

ԵՄ-ն դատապարտում է ԼՂ-ում շփման գծում և այլ կետերում էսկալացիան։ Այս մասին հայտարարել է ԵՄ դիվանագետության ղեկավար Ժոզեպ Բորելը։

«ԵՄ-ն ցավում է հակամարտության սրման հետևանքով մարդկային զոհերի համար։ Կոչ ենք անում անհապաղ դադարեցնել ռազմական գործողությունները։

Անհրաժեշտ է շտապ վերադառնալ Բաքվի և Ղարաբաղի հայերի միջև երկխոսությանը։ Այս ռազմական էսկալացիան չպետք է օգտագործվի որպես պատրվակ տեղի բնակչության բռնի ելքի համար։

Բռնությունը պետք է դադարեցվի, որպեսզի բարենպաստ միջավայր ստեղծվի խաղաղության և կարգավորման բանակցությունների համար: Համաձայնեցված արդյունքների հասնելու համար անհրաժեշտ է բոլոր կողմերի անկեղծ նվիրվածությունը»,-ասել է Բորելը։

News.am