ՀՀ ներկայացուցիչը Արցախում ադրբեջանական ագրեսիայի հարցով դիմել է ՄԻԵԴ

Միջազգային իրավական հարցերով ՀՀ ներկայացուցիչ Եղիշե Կիրակոսյանը դիմել է Մարդու իրավունքների եվրոպական դատարան։ Այս մասին նա հայտնել է իր ֆեյսբուքյան էջում։

ՀՀ ներկայացուցիչը պահանջում է միջանկյալ միջոց կիրառել այսօր Լեռնային Ղարաբաղի բնակչության նկատմամբ Ադրբեջանի սանձազերծած լայնածավալ ագրեսիայի հետևանքով քաղաքացիական բնակչության իրավունքներին սպառնացող անդառնալի կորուստը կանխելու նպատակով։

Նշվում է, որ մասնավորապես պահանջվել է պարտավորեցնել Ադրբեջանին դադարեցնել զինված ուժերի կողմից բոլոր քաղաքացիական օբյեկտների, բնակավայրերի և բնակչության թիրախավորումը։

Sputnik Արմենիա