Լեմկինի ինստիտուտը կոչ է անում համաշխարհային ղեկավարներին միջոցներ ձեռնարկել

Ցեղասպանության կանխման Լեմկինի ինստիտուտը մեկ անգամ ևս դատապարտում է Ադրբեջանի անպատժելիությունը և համաշխարհային առաջնորդներին կոչ անում միջոցներ ձեռնարկել Արցախի հայկական ինքնության պաշտպանության համար։

«Ադրբեջանը ռազմական ագրեսիայի է դիմել, որպեսզի ստիպի դեմոկրատական Արցախի հայկական Հանրապետությանը հանձնվել բռնապետին։

Ռուսաստանը հայտարարել է, որ դա Ադրբեջանի «ներքին գործն է», չնայած ռուս խաղաղապահների՝ Արցախի խաղաղ բնակչությանը պաշտպանելու և 2020թ. հրադադարի մասին հայտարարության նման խախտումները կանխելու թվացյալ մանդատին։

Հինգշաբթի՝ սեպտեմբերի 21-ին, Ռուսաստանը ղեկավարելու է «վերինտեգրման վերաբերյալ բանակցությունները» Ադրբեջանի և Արցախի իշխանությունների միջև Եվլախում։

Լեմկինի իսնտիտուտը մեկ անգամ ևս դատապարտում է Ադրբեջանի անպատժելիությունը և համաշխարհային առաջնորդներին կոչ անում Արցախի հայկական ինքնությունը պաշտպանելու միջոցներ ձեռնարկել այն պետության ներսում, որը ղեկավարում են՝ ելնելով ցեղասպանական հայատյացությունից»։

News.am