Արցախում ևս 5 աճյուն է հայտնաբերվել

Այսօր` սեպտեմբերի 26-ին, փրկարարական 2 խումբ որոնողական աշխատանքներ է իրականացրել Մարտակերտի շրջանի Ճանկաթաղ և Վարդաձոր գյուղերի տարածքում։ Տեղեկությունը հայտնում է Արցախի ներքին գործերի նախարարությունը։

«Հայտնաբերվել է զոհված 3 զինծառայողի և 2 քաղաքացու մարմին»,– ասված է հաղորդագրությունում։

Արցախի ամբողջ տարածքում որոնողափրկարարական աշխատանքներն առաջիկայում ևս կշարունակվեն։ Արդյունքների մասին ԱԻ պետական ծառայությունը կտրամադրի հավելյալ տեղեկություն։

Sputnik Արմենիա