2023-10-04 13:55
Լրատվական գործակալություններ
Ալիևը չի մեկնի Գրանադա, որտեղ պետք է Փաշինյանի հետ հանդիպում կայանար. ԶԼՄ
Ադրբեջանի նախագահ Իլհամ Ալիևը հրաժարվել է մեկնել Իսպանիա, որտեղ պետք է ՀՀ վարչապետ Նիկոլ Փաշինյանի հետ հանդիպում կայանար։ Տեղեկությունը հայտնում են ադրբեջանական լրատվամիջոցները:
Նշվում է, որ պատճառը Ֆրանսիայի «ապակառուցողական» դիրքորոշումն է, ինչպես նաև այն, որ Փարիզն ու Բեռլինը համաձայն չեն հանդիպմանը Թուրքիայի նախագահ Ռեջեփ Թայիփ Էրդողանի մասնակցությանը։
Թուրքական ԶԼՄ-ներն էլ գրում են, որ Թուրքիայի նախագահը ևս չի մեկնի Իսպանիա: Այցը հետաձգվել է, քանի որ նա մրսել է։
Երկու տեղեկություններն էլ դեռ պաշտոնապես չեն հաստատվել։