Պետդեպարտամենտը մեկնաբանել է Հայաստանին ռազմական օգնություն ցուցաբերելու Ֆրանսիայի մտադրությունները
Դիրքորոշման փոփոխության մասին հայտարարություն չունեմ։ Այս մասին հայտնել է ԱՄՆ պետդեպարտամենտի մամուլի քարտուղար Վեդանտ Փատելը՝ պատասխանելով այն հարցին, որ Ֆրանսիան հայտարարել է Հայաստանին զենք և ռազմական օգնություն ցուցաբերելու մտադրության մասին, ինչը զայրացրել է մեր որոշ դաշնակիցներին, այդ թվում Թուրքիային։ Արդյո՞ք պետդեպարտամենտը նախատեսում է ավելացնել որևէ ռազմական օգնություն։ Կա՞ն արդյոք դիրքորոշման ինչ-որ փոփոխություններ վերջին իրադարձություններից հետո։
«Հայաստանի և Ադրբեջանի միջև երկխոսությունը անհրաժեշտ է այս վաղեմի հակամարտության լուծման համար։ Մենք կարծում ենք, որ երկխոսությունն Ադրբեջանի և Հայաստանի միջև մնում է անասելի կարևոր Հարավային Կովկասում արժանի և ամուր խաղաղության հասնելու համար։ Հենց դրա համար պետքարտուղարն անձամբ է այդքան ակտիվ ներգրավված՝ շարունակելով բանավեճերը երկու երկրների գործընկերների հետ»,- ասել է Փատելը։
Ճշտող հարցին, թե խորհրդակցել է արդյոք Ֆրանսիան Հայաստանին զենք տրամադրելու մասին որոշումն ընդունելիս, Փատելը պատասխանել է. «Ես պարզապես չեմ պատրաստվում խորանալ մասնավոր դիվանագիտական խոսակցությունների մեջ»։
News.am