Իրանը Հայաստանի վրա Ադրբեջանի հարձակման մասին Բլինքենի հարցը վերահասցեագրել է ադրբեջանցիներին

Իրանի ԱԳՆ-ն մեկնաբանել է հրապարակումն այն մասին, որ ԱՄՆ պետքարտուղար Էնթոնի Բլինքենը նախազգուշացրել է օրենսդիրներին Հայաստանի վրա Ադրբեջանի հարձակման մասին առաջիկա շաբաթներին։

«Այդ հարցին պետք է պատասխանեն ադրբեջանցի գոծընկերները, բայց Իրանի համար կարևոր են Կովկասի խաղաղությունն ու կայունությունը»,- ասել է Իրանի ԱԳՆ ներկայացուցիչ Նասեր Քանաանին, տեղեկացրել է IRNA-ն։

Ավելի վաղ ամերիկյան Politico-ն տեղեկացրել էր, որ Բլինքենը անցած շաբաթ նախազգուշացրել էր օրենսդիրների խմբին, որ իր գերատեսչությունը դիտարկում է այն հնարավորությունը, որ Ադրբեջանը կարող է շուտով ներխուժել Հայաստան։

News.am