ԼՂ ներկայացուցչության դիմաց ակցիա անողները ծեծի ենթարկեցին Կարեն Շահրամանյանին (ՏԵՍԱՆՅՈՒԹ)

Երևանում Արցախի ներկայացուցչության մոտ իրավիճակը վերահսկողությունից դուրս եկավ։ Բողոքի ակցիայի մի խումբ մասնակիցներ հարձակվեցին Արցախի նախագահի աշխատակազմի ղեկավար Կարեն Շահրամանյանի վրա և ծեծի ենթարկեցին նրան։

Ոստիկանները մեծ դժվարությամբ կարողացան Շահրամանյանին ազատել ցուցարարների ձեռքից և մի կողմ տանել նրան։

Sputnik Արմենիայի կադրերում երևում է, որ Շահրամանյանի հագուստը պատռված է։

Նշենք, որ Կարեն Շահրամանյանը երկար տարիներ աշխատել է Արցախի պետական համակարգում։

2010-2020թթ. նա զբաղեցրել է Արցախի քաղաքաշինության նախարարի պաշտոնը, ապա ղեկավարել է Արցախի Կադաստրի և պետական գույքի կառավարման կոմիտեն։ 2021թվականին նշանակվել է Արցախի նախագահի աշխատակազմի ղեկավար։