Հակաիսրայելական բողոքի ցույց. Ամբոխը ներխուժել Մախաչկալայի օդանավակայանը

Մախաչկալայի օդանավակայանի մոտ հոկտեմբերի 29-ի երեկոյան տեղի բնակիչների բազմություն էր հավաքվել։ Ինչպես գրում են «ЧП Дагестан» и «Тут Дагестан» տելեգրամյան ալիքները, հավաքի պատճառը եղել է Red Wings ինքնաթիռի ժամանումը Թել Ավիվից։

Ավելի վաղ տելեգրամում հաղորդագրություններ են տարածվել այն մասին, որ «Իսրայելից ուղիղ չվերթ» է ժամանում Դաղստան և կոչ են արել գալ օդանավակայան և թույլ չտալ ինքնաթիռի վայրէջքը։

Ըստ «Baza» տելեգրամյան ալիքի, դաղստանցիները ներխուժել են օդանավակայան և խուզարկել տարածքը՝ Իսրայելից ժամանած «հրեաներին» որոնելու համար:

Հաղորդվում է, որ տեղի իշխանություններն ու անվտանգության ուժերը երկար ժամանակ չէին փորձում կանխել դա։

Ավելի ուշ Մախաչկալայի օդանավակայանում ամբոխը շրջապատել է ինքնաթիռը թռիչքուղու վրա։

Միայն սրանից հետո օդանավակայան են ժամանել հատուկ ջոկատայինները։ Օդանավակայան են եկել նաև Դաղստանի ազգային քաղաքականության նախարար Էնրիկ Մուսլիմովը և երիտասարդության հարցերի նախարար Քամիլ Սաիդովը։

Սակայն դա չի խանգարել ցուցարարներին։

Ամբոխը կոտրել է ապակե դռները և ներս մտել՝ տանելով Պաղեստինի դրոշը։

Ներկա պահին օդանավակայանը չի գործում։

News.am