Ռուսաստանը Հայաստանի հետ Հռոմի ստատուտի հետ կապված ոչ մի համաձայնագիր էլ չի կնքի
Ռուսաստանը Հայաստանի հետ համաձայնագիր չի կնքի Միջազգային քրեական դատարանի կանոնադրության՝ Հռոմի ստատուտի վերաբերյալ, կարծիք է հայտնել ՌԴ ԴԺ Դաշնային խորհրդի միջազգային հարաբերությունների հանձնաժողովի նախագահի առաջին տեղակալ Վլադիմիր Ջաբարովը՝ արձագանքելով ՀՀ իշխանությունների առաջարկին՝ կնքել համաձայնագիր, որը Հռոմի ստատուտը շրջանցելու հնարավորություն կտա։
«Կարծում եմ, որ ՄՔԴ-ի հետ կապված՝ Ռուսաստանի և Հայաստանի միջև լրացուցիչ ոչ մի համաձայնագիր էլ չի կնքվի։ Մենք ընդհանրապես չենք ճանաչում այդ կառույցը (Միջազգային քրեական դատարանը-խմբ․)։ Ինչու՞ պետք է այդ հարցի շուրջ ինչ-որ նոր համաձայնագիր կնքենք»,- ասել է Ջաբարովը՝ «Соловьев Live»-ի եթերում։
«Եթե մենք ցանկանում ենք շարունակել ապրել խաղաղության մեջ, բարիդրացիություն պահպանել, փոխադարձ աջակցություն ցուցաբերել, կարծում եմ, որ մեր հայ գործընկերները վաղ , թե ուշ ստիպված կլինեն հետ կանչել Հռոմի ստատուտին միանալու իրենց որոշումը»,- հավելել է ՌԴ ԴԺ Դաշնային խորհրդի միջազգային հարաբերությունների հանձնաժողովի նախագահի առաջին տեղակալը։
Aysor.am