Աբբաս Ջուման կարծում է, որ Ադրբեջանը Հայաստանի հարցում հեռահար ծրագրեր ունի
Ադրբեջանի նախագահի բերանից Հայաստանի տարածքային ամբողջականության թեմայի վերաբերյալ կոնկրետությունների բացակայությունը վկայում է այն մասին, որ Բաքուն բազմաթիվ հավակնություններ և հեռուն գնացող ծրագրեր ունի։ Այս մասին NEWS.am-ի թղթակցի հետ զրույցում ասաց լրագրող-միջազգայնագետ Աբբաս Ջուման։
«Բաքուն դժվար թե բավարարվի ձեռք բերածով և դժվար թե դրանով կանգ առնի: Ադրբեջանը Հայաստանի ինքնիշխան տարածքի նկատմամբ հավակնություններ ունի»,- ընդգծեց նա։
Ադրբեջանում դա առանձանապես չեն փորձում թաքցնել, նշել է Ջուման։
«Կոնկրետություններ դեռ չկան, նպատակները շարժվող են, ուստի, վաղ թե ուշ, կարելի է նորից սկսել ագրեսիվ նկրտումների իրագործումը։
Ադրբեջանին ոչ մի նախադեպ պետք չէ իր ծրագրերն իրականացնելու համար։ Բավական է ուժեղ հովանավորներ ունենալ։ Սա այն է, ինչ այսօր անում է Իսրայելը։ Նա դա անում է մի պարզ պատճառով. Նրա վերևում ԱՄՆ-ն է։ Բաքուն անում է այն, ինչ անում է, մի պարզ պատճառով. նրա վերևում Թուրքիան է: Երբ դու ունես մեծ եղբայր, ով քեզ միջազգային մակարդակով կարդարացնի և կօգնի քեզ զենքով, ապա դու կարող ես խախտել օրենքը և թքած ունենալ կանոնների վրա։ Սա այն է, ինչ է ցույց տալիս Իսրայելը։
Ադրբեջանը հասկանում է, որ բոլոր հայտարարություններն ու կանոնները հորինվածք են։ Միակ հարցն այն է, թե ո՞ր փուլում նա կանգ կառնի: Երբ նրան կանգնեցնի ավագ եղբայրը, երբ Թուրքիան ասի, որ այլևս չի կարող արդարացնել Ադրբեջանին։ Նույնը կարելի է ասել Իսրայելի մասին. քանի դեռ ԱՄՆ-ն չի կանգնեցնել նրանց»,- հավելել է Ջուման։