Պետնախարար. Արցախի Սահմանադրական բոլոր մարմինների ղեկավարները շարունակում են զբաղեցնել պաշտոնները

Սահմանադրական բոլոր մարմինները իրենց ղեկավարներով շարունակում են զբաղեցնել հասարակական հիմունքներով այդ պաշտոնները: Այս մասին Արցախի Հանրային հեռուստաընկերության հետ զրույցում ասել է Արցախի պետնախարար Արթուր Հայրապետյանը:

«Սահմանադրական բոլոր մարմինները իրենց ղեկավարներով շարունակում են զբաղեցնել հասարակական հիմունքներով այդ պաշտոնները և բոլոր մեր սահմանադրական մարմինները հենց այդ հրամանագրով պահպանելու և հետագայում նաև որոշակի աշխատանք կատարելու ցանկության դեպքում նաև այդ աշխատանքները իրականացվելու են: Այս պահի դրությամբ Արցախի Հանրապետության կառավարությունը որևէ ծրագիր չի կարող իրականացնել, քանի որ ֆինանսական ռեսուրսների բացակայության պայմաններում չենք կարող իրականացնել: Մեր հայրենակիցների կրթական, սոցիալական և այլ հարցերի վերաբերյալկարգավորումները տրվում է ՀՀ կառավարության կողմից, ողջ պարտավարությունը ստանձնել է ՀՀ կառավարությունը: Մենք ունենք տարբեր ձևաչափերով համագործակցության, հանդիպումների և քննարկումների օրակարգ և կարողանում ենք ապահովել մեր ժողովրդի խնդիրները, բնակիչների խնդիրները, ներկայացնել առաջարկների տեսքով ՀՀ կառավարությանը, որպեսզի կարողնանք այդ հոգսերը թեթևացնել, կամ ծրագրերը ավելի արդյունավետ դարձնել»,-ասաց նա:

Անդրադառնալով Արցախի պետական մարմինների աշխատակիցների աշխատավարձերի վերջնահաշվարկի հետ կապված խնդիրներին, Հարությունյանը ասաց, որ օրենքով նախատեսված է և վերջնահաշվարկ և արձակման նպաստ, բայց քանի որ կառավարությունը որևէ ֆինասնական ռեսուրս չունի, այ պահին հաշվառված է այն որպես Արցախի Հնարապետության կառավարության պարտավորություն:

«Ինչ վերաբերում է աշխպատանքային գրքույկների տրամադրմանը և մնացած բոլոր հարցերին, իհարկե, մեր տարբեր գերատեսչություններ, քանի որ աշխատակիցներից ոչ բոլորն են գտնվում Երևանում, գերատեսչությունները ըստ պայմանավորվածութունների են տրամադրում աշխատանքայյին գրքույկները»,-ասաց նա:

Հարցին, թե ինչու սեպտեմբերի համար աշխատավարձերը 100 տոկոսով չվճարվեցին, Արցախի պետնախարարը պատասխանեց, որ տեղահանվելու պահին գանձապետական հաշվում եղած ֆինանսական միջոցները կազմել են աշխատավարձային ֆոնդի 85 տոկոսը։ Աշխատավարձերն այդ պատճառով վճարվել են եղած միջոցների համամասնությամբ։

Այդուհանդերձ, պետխանախարրը նշեց, որ սեպտեմբերի աշխատավարձերի 15 տոկոսը, ինչպես և վերջնահաշվարկները համարվում են Արցախի Հանրապետության կառավարության պարտավորությունը։

News.am