Ալիևը արցախահայերի դեմ ագրեսիայի պատասխանատվությունը դրել է Հայաստանի վրա

Ադրբեջանի նախագահ Իլհամ Ալիևը արցախահայերի դեմ ագրեսիայի պատասխանատվությունը լիովին դրել է Հայաստանի վրա։

Նա հավաստիացրել է, որ Ադրբեջանը հուսով էր շփումներ հաստատել Ղարաբաղի հայերի հետ՝ իրադարձությունների զարգացման այս տարբերակի ձախողման մեջ մեղադրելով Արցախի իշխանություններին, տեղեկացրել են ադրբեջանական ԶԼՄ-ները։

Նրա խոսքով՝ Ադրբեջանի կողմից սեպտեմբերին լիածավալ ագրեսիա սկսելու պատճառը Հայաստանի վարչապետի շնորհավորանքն էր Լեռնային Ղարաբաղի Հանրապետության անկախության օրվա առիթով, ինչպես նաև Լեռնային Ղարաբաղի իշխանություններին ուղարկված նամակները։

News.am