Իրաքից ժամանած եզդիները ապաստան են հայցում ՀՀ–ում. Մանասյանն ու Բաքոյանն այցելել են նրանց

ՀՀ մարդու իրավունքների պաշտպան Անահիտ Մանասյանն ու ՀՀ Ազգային ժողովում Հայաստանի եզդիական համայնքի ներկայացուցիչ, խորհրդարանում Հայաստան-Իրաք բարեկամական խմբի ղեկավար Ռուստամ Բաքոյանը այցելել են Իրաքից ժամանած և Հայաստանում ապաստան հայցող եզդիներին: Տեղեկությունը հայտնում է ՀՀ Մարդու իրավունքների պաշտպանի գրասենյակը։

Հայաստանում ապաստան հայցող անձինք Մանասյանին ներկայացրել են իրենց իրավունքներին առնչվող հարցեր, խնդիրներ՝ կապված կացարանի, պետության կողմից դրամական օգնության, աշխատանքի և հայերենի չիմացության հետևանքով հաղորդակցվելու հետ:

Անահիտ Մանասյանը նշել է, կուսումնասիրվեն խնդիրները ու անհրաժեշտության դեպքում քայլեր կձեռնարկվեն։

Sputnik Արմենիա