Եմենը հայտարարել է, որ այսուհետ ԱՄՆ-ի և Մեծ Բրիտանիայի բոլոր շահերը երկրի բանակի օրինական թիրախն են

Եմենի բարձրագույն քաղաքական խորհուրդն հայտարարել է, որ երեկվա ոճրագործությունից հետո ԱՄՆ-ի և Մեծ Բրիտանիայի բոլոր շահերն այժմ համարվում են երկրի զինված ուժերի օրինական թիրախը, հայտնում է Irna-ն։

Եմենի բարձրագույն քաղաքական խորհուրդը հավելել է, որ Եմենի ժողովրդի վրա ԱՄՆ-ի և Բրիտանիայի դավաճանական և վախկոտ հարձակումը անօրինական ագրեսիա է բոլոր միջազգային օրենքների դեմ և իրական սպառնալիք միջազգային խաղաղության և անվտանգության համար։

Խորհուրդը այս հարձակումները որակել է որպես Եմենի ռազմածովային ուժերի դեմ ԱՄՆ-ի դավաճանական գործողություններ, ինչպես նաև ԱՄՆ-ի, Բրիտանիայի և Սիոնիստական ռեժիմի հարձակումներ Գազայի ճնշված ժողովրդի վրա:

News.am