ՌԴ մուտք գործող օտարերկրացիներին կպահանջեն օրինապահության պայմանագիր ստորագրել

ՌԴ ներքին գործերի նախարարության մշակած միգրացիան կարգավորող օրինագծով նախատեսվում է, որ Ռուսաստանի Դաշնություն մուտք գործող օտարերկրացիները օրինապահության պայմանագիր կստորագրեն: Ըստ Interfax-ի՝ դրա մասին լրագրողներին ասել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ Լեոնիդ Կալաշնիկովը:

«Ներքին գործերի նախարարության մշակած օրինագծում նշված է, թե ստորագրելով օրինապահության պայմանագիրը՝ օտարերկրյա քաղաքացին համաձայնում է, որ ՌԴ-ում ինչ-որ օրինախախտում անելու դեպքում իրեն կարող են վտարել երկրից և հետագայում սահմանափակել իր մուտքը Ռուսաստան»,- պարզաբանել է ռուսաստանցի պաշտոնյան։

Կալաշնիկովը շեշտել է, որ օրինագիծը կառավարության քննարկման փուլում է։

News.am