Կառավարությունն ընդունել է զորակոչի հրապարակային ծանուցման նախագիծը

Կառավարությունն ընդունեց պարտադիր զինվորական ծառայության զորակոչի և պահեստազորային պատրաստության հրապարակային ծանուցման նախագիծը։ Որոշումն ընդունվեց կառավարության ապրիլի 12-ի նիստում։

ՊՆ-ն զորակոչի հրապարակային էլեկտրոնային ծանուցման օրինագիծը առաջարկել էր հունվարի 17-ին, որի համաձայն՝ ծանուցագիրը կհամարվի հանձնված ոչ միայն քաղաքացուն անձամբ տալով և պատվիրված փոստով ստացման տեղեկանքով, այլ նաև էլեկտրոնային ծանուցման դեպքում։

Նախագիծը հստակեցնում է քաղաքացիներին զինվորական հաշվառման վայր ներկայանալու վերաբերյալ ծանուցումների գործընթացը՝ փաստաթղթային կամ էլեկտրոնային եղանակով։ Դա, նախագծի հեղինակների կարծիքով, հնարավորություն կտա լուծել խնդիրը, երբ քաղաքացիները խուսափում են համապատասխան ներկայանալ հաշվառման, որն առաջացել էր ավելի վաղ ծանուցումների չապահովման արդյունքում։ Նախագիծը հնարավորություն կտա նաև պատրաստության ենթարկել պահեստազորային հավաքներից խուսափածներին։

Մարտի 14-ին ԶԼՄ-ները հայտնել էին, որ պատգամավորները 25-օրյա վարժական հավաքներից խուսափածների համար նախատեսված պատիժը խստացնելու օրենսդրական նախագիծ են քննարկել՝ 2 ամսից մինչև 2 տարի ժամկետով ազատազրկելու եղանակով։

Մարտի 15-ին ԶԼՄ-ները գրել են, որ պաշտպանության նախարար Սուրեն Պապիկյանն ԱԺ-ում բողոքել է, որ չեն կարողանում պատշաճ իրականացնել վարժական հավաքները։

Կառավարությունը ապրիլի 15-ից մինչև հուլիսի 15-ը հայտարարել է պահեստազորայինների համար նախատեսված վարժական հավաքներ։

Armenia Today