ՄԵԶ ՀԱՄՈԶՈՒՄ ԷԻՆ՝ ԵԹԵ ՌՈՒՍ ԽԱՂԱՂԱՊԱՀԸ ԴՈՒՐՍ ԳԱ ԼՂ-ԻՑ, ԱՊԱ ՍԿԱՆԴԻՆԱՎՅԱՆ ԽԱՂԱՂԱՊԱՀԸ ԿԳԱ, ՍՊԱՍՈՒՄ ԵՆՔ. ՄԱՐՈՒՔՅԱՆ
ՀՀ հատուկ հանձնարարություններով նախկին դեսպան Էդմոն Մարուքյանը գրում է․
«Սպասում ենք Սկանդինավյան խաղաղապահ զորախմբին։
Մեկնարկել է ՌԴ խաղաղապահ զորախմբի դուրսբերումը Լեռնային Ղարաբաղի տարածից: Մենք՝ բոլորս հիշում ենք, թե ինչպես էին մեզ համոզում, որ եթե ՌԴ խաղաղապահ զորախումբը դուրս գա Լեռնային Ղարաբաղի տարածքից, ապա Սկանդինավյան խաղաղապահները կգան և Արցախի ժողովուրդը նրանց երաշխավորած անվտանգությամբ ապահով կապրի:
Հիմա այս ամենն ասողները թո՛ղ դուրս գան ու պահանջեն, որ Սկանդինավյան խաղաղապահները գան Արցախ ու ժողովուրդն էլ վերադառնա այնտեղ և ապրի անվտանգության այդ երաշխիքներով: Եթե այդ մարդիկ, ովքեր գիշեր-ցերեկ բարձրաձայնում էին ռուս խաղապահների պարտադիր դուրսբերման և Սկանդինավյան խաղապահների փրկչական առաքելության մասին, հիմա անձամբ դուրս չգան և այդ հարցով չզբաղվեն, ուրեմն ստիպված եմ լինելու անուններով դիմել նրանց: Ավելի լավ է, ինքներդ նախաձեռնեք ու կյանքի կոչեք ձեր խոստումները»:
Այսօր
