2024-06-03 16:14
Լրատվական գործակալություններ
Փաստաբան․ Արցախցու բնակարանը «խուզարկության» անվան տակ տակնուվրա են արել (ՏԵՍԱՆՅՈՒԹ)
Արցախցու բնակարանը իրավապահները «խուզարկության» անվան տակ տակնուվրա են արել։ Այս մասին ֆեյսբուքյան իր էջում հրապարակված տեսանյութով նշել է փաստաբան Վահե Եփրիկյանը։
«Ես Աբովյան քաղաքի 3-րդ միկրոշրջան 16 շենք 47-րդ բնակարանում եմ։ Առավոտյան Երևան քաղաքի ծանր հանցագործությունների քննության վարչության հատուկ կարևորագույն քննիչ Դավիթ Փարվանյանի միջնորդության և Երևանի ընդհանուր իրավասության դատարանի դատավոր Կարեն Ֆարխոյանի բավարարած միջնորդության համաձայն՝ հասցեում խուզարկություն են իրականացրել»,- ասել է փաստաբանը։
Նրա խոսքով՝ իրավապահները բնակարանը տակնուվրա են արել և հայտնի չէ՝ ինչի համար․ «Եթե քրեական վարույթով հետաքրքրություն ներկայացնող որևէ բան փնտրեին, ինչու էին այսպես փնտրում։ Տանը մանկահասակ երեխա էր քնած»։
News.am