Վերին Լարսը փակ է բոլոր տեսակի տրանսպորտային միջոցների համար

Վերին Լարսի անցակետ տանող ճանապարհը փակ է բոլոր տեսակի տրանսպորտային միջոցների համար։ Տեղեկությունը Sputnik Արմենիային հայտնեց ՌԴ–ում ՀՀ դեսպանության մաքսային կցորդ Վահան Հակոբյանը։

«Միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում ձնահոսքի իջնելու պատճառով` Խաչի լեռնանցքը երկու ուղղություններով ամբողջությամբ փակ է բոլոր տեսակի տրանսպորտային միջոցների համար»,–ասաց նա։

Մաքրման աշխատանքների ավարտից հետո միայն երթևեկությունը կվերականգնվի, որի մասին լրացուցիչ տեղեկություն կտրվի:

Վերջին անգամ Վերին Լարսը փակվել էր մայիսի 8–ին, ինչի հետևանքով մոտ 800 բեռնատար էր կուտակվել ճանապարհին։