Մենուա Սողոմոնյան․ Պետք է ճնշում գործադրենք, որպեսզի նիստը տեղի ունենա

ՔՊ-ական պատգամավորները հայտարարել են, որ բոյկոտելու են ամսի 17-ին կայանալիք նիստը: Մենք պետք է նրանց նկատմամբ ճնշում իրականացնենք, որպեսզի նրանք խելոք գան, և նիստը տեղի ունենա: Այս մասին այսօր՝ հունիսի 10-ին, Բաղրամյան պողոտայում լրագրողների հետ զրույցում ասաց «Հայաքվե» նախաձեռնության անդամ Մենուա Սողոմոնյանը:

«Օրենքով սահմանված ճնշում պետք է բանեցնենք, առաջին հերթին այստեղ մեր ֆիզիկական ներկայությամբ»,-հավելեց Մենուա Սողոմոնյանը:

«Մեր քանակը, ակտիվությունը և վճռականությունը ուղիղ համեմատական են ոստիկանության հանձնվելուն: Փաշինյանի իշխանությունը այսօր միայն հենվում է ոստիկանական ռեսուրսի վրա»,-նշեց «Հայաքվե» նախաձեռնության անդամը:

News.am