«Հարցը Երևանին և Բաքվին պետք է ուղղել, ոչ թե Մոսկվային». ՌԴ ԱԳՆ-ն՝ Ռուբեն Վարդանյանի մասին

ՌԴ ԱԳՆ ներկայացուցիչ Մարիա Զախարովան խորհուրդ է տալիս Արցախի նախկին պետնախարար Ռուբեն Վարդանյանին ազատ արձակելու հարցն ուղղել Երևանին ու Բաքվին։ Նա այդ մասին ասաց` պատասխանելով լրագրողի հարցին, թե ռուսական կողմն արդյոք քննարկում է Վարդանյանին ազատ արձակելու հարցը։

Զախարովան հիշեցրեց, որ Վարդանյանը հրաժարվել է ՌԴ քաղաքացիությունից, և ընդգծեց, որ ՌԴ–ն ընդհանուր առմամբ միշտ աջակցել է եռակողմ պայմանավորվածությունների իրականացմանը, որոնց առանցքային տարրը բոլոր պահվող անձանց ազատ արձակումն է:

Sputnik Արմենիա