ՆԱՏՕ-ի անդամ բոլոր երկրները հաստատել են դաշինքի նոր գլխավոր քարտուղարի պաշտոնում Մարկ Ռյուտեի թեկնածությունը

Հոկտեմբերի 1-ին ավարտվում են ՆԱՏՕ-ի գլխավոր քարտուղար Յենս Ստոլտենբերգի լիազորությունները։ Նա ավելի վաղ հայտարարել էր, որ չի մնալու իր պաշտոնում։ Նրան փոխարինելու առաջարկ էր արվել գերմանացի Ուրսուլա ֆոն դեր Լայենին։ Սակայն Գերմանիայի իշխանությունները դեմ են արտահայտվել վերջինիս թեկնածությանը, գրում է Bild-ը։

Դրանից հետո ամենահավանական թեկնածուն է դարձել Նիդեռլանդների 57-ամյա վարչապետ Մարկ Ռյուտեն։ Դեռևս փետրվարին նրա թեկնածությունն առաջադրել էին 32 անդամ երկրներից 21-ը, դրանց թվում՝ ԱՄՆ-ը, Գերմանիան, Մեծ Բրիտանիան և Ֆրանսիայն։ Սակայն որոշ պետություններ դեմ էին դրան։ Իսկ ՆԱՏՕ-ի կանոնների համաձայն՝ գլխավոր քարտուղարի նշանակումն անհրաժեշտ է, որ հավանություն տան բոլոր երկրները։

Հունգարիան, Սլովակիան և Թուրքիան երեքշաբթի հանեցին Ռյուտեի նկատմամբ իրենց վետոն։ Դրա մասին այսօր հայտարարել են Ռումինիայի իշխանությունները։ Սա վերջին երկիրն է, որը նախկինում դեմ է եղել հոլանդացի թեկնածուին։ Շատ հավանական է, որ հաջորդ շաբաթ Ռյուտեն պաշտոնապես կներկայացվի որպես Ստոլտենբերգի իրավահաջորդ:

News.am