ԵՄ առաջնորդները համաձայնել են, որ Կալլասը կղեկավարի եվրոպական դիվանագիտությունը

ԵՄ առաջնորդները պայմանավորվել են, որ Էստոնիայի վարչապետ Կայա Կալլասը կգլխավորի եվրոպական դիվանագիտությունը, իսկ Պորտուգալիայի նախկին վարչապետ Անտոնիո Կոստան՝ Եվրոպական խորհուրդը, հայտնում է DPA գործակալությունը։

«Համաձայնագիրը նաև նախատեսում է, որ Էստոնիայի կառավարության լիբերալ ղեկավար Կայա Կալլասը կստանա ԵՄ արտաքին գործերի գերագույն ներկայացուցչի պաշտոնը։ Պորտուգալիայի նախկին վարչապետ Անտոնիո Կոստան առաջիկա 2,5 տարում կընտրվի Պետությունների և կառավարությունների ղեկավարների խորհրդի նախագահ»,- գրում է DPA-ն։

Ավելի վաղ DPA-ն հայտնել էր, որ ԵՄ երկրները համաձայնեցրել են Եվրահանձնաժողովի ներկայիս նախագահ Ուրսուլա ֆոն դեր Լեյենի թեկնածությունը` երկրորդ ժամկետով։

News.am