Արմեն Գրիգորյան․ Նոր ատոմակայանի կառուցման հարցում ԱՄՆ-ի հետ մտել ենք առարկայական փուլ

Անվտանգության ոլորտում մեծ հաջողություններ ունենք դիվերսիֆիկցիայի հարցում, բայց նույնը չենք կարող ասել էկոնոմիկայի ոլորտի մասին: Այս մասին այսօր՝ հուլիսի 3-ին, «ՀՀ-Արևելյան գործընկերություն-ԵՄ. գործընկերության մարտահրավերները և հնարավորություններ» թեմայով քննարկման ժամանակ հայտարարել է ԱԽ քարտուղար Արմեն Գրիգորյանը։

«Այստեղ բազմաշերտ բազմաթիվ խնդիրներ կան, որոնց լուծման ուղղությամբ մեծ աշխատանք։ է տարվում և պատահական չէ, որ ապրիլի 5-ի առաջնահերթ օրակարգային խնդիրները հենց տնտեսական են եղել, դիմակայունության և դիվերսիֆիկացիայի մասին են եղել: Որոշ դեպքերում երկարաժամկետ ենք փորձում հարցերը լուծել: Օրինակ, նոր ատոմակայանի կառուցման հետ կապված մենք մտել ենք շատ առարկայական փուլ: Այսինքն մենք ԱՄն-ի հետ քննարկում ենք իրավապայմանագրային դաշտը կարգավորելու հարցը: Առանց այդ դաշտի մենք չենք կարող առաջ ընթանալ: Այս պահին կարող եմ ասել, որ գնդակն ԱՄՆ-ի դաշտում է, մենք ակնկալում ենք ԱՄՆ-ի մեր համակարգային պրոցեդուրաները, որ անցնեն, այնուհետև մենք կսկսենք աշխատել հենց դիվերսիֆիկացիայի ուղղությամբ»,-ասաց ԱԽ քարտուղարը:

Անդրադառնալով գյուղապրանքներին, Արմեն Գրիգորյանն ասաց. «Երբ մենք քննարկում ենք մեր տարբեր ապրանքների մուտքը ԵՄ, նաև պետք է հաշվի առնենք ԵՄ-ում տեղի ունեցող քաղաքական քննարկումները»:

News.am