Բայդենը թույլ չի տվել Ուկրաինային ամերիկյան զենքով կրակել Ռուսաստանի խորքերը

ԱՄՆ նախագահ Ջո Բայդենը հայտարարել է, որ ԱՄՆ-ը թույլ է տվել Ուկրաինայի Զինված ուժերին ամերիկյան զենքով կրակել ռուսական տարածքի վրա սահմանային գոտում, սակայն իմաստ չունի հարվածել Ռուսաստանի խորքերը։

«Եթե նա (Ուկրաինայի նախագահ Վլադիմիր Զելենսկին) կարողանա հարվածել Մոսկվային, հարվածել Կրեմլին, դա ինչ-որ իմաստ կունենա՞ր։ Չէր լինի։ Հարցն այն է, թե որն է լավագույն օգտագործումը այն զենքի համար, որը նա ունի, որը մենք տվել ենք նրան»,- ասել է Բայդենը ՆԱՏՕ-ի գագաթնաժողովից հետո:

Մայիսի վերջին ԱՄՆ նախագահը գաղտնի թույլ տվեց Ուկրաինային ամերիկյան զենքով հարձակումներ իրականացնել ռուսական տարածքի վրա։ Նա, սակայն, տուժած տարածքը սահմանափակել է Խարկովի մարզին սահմանակից տարածքներով, որտեղից սկսել է առաջխաղացումը ռուսական բանակը։

Ավելի ուշ Սպիտակ տունը խոստովանեց, որ Վաշինգտոնը թույլ է տվել Ուկրաինայի զինված ուժերին «նպատակային և սահմանափակ» հարվածներ հասցնել ռուսական բանակի թիրախներին՝ հարձակումները խափանելու համար: Ըստ The Washington Post-ի՝ Վաշինգտոնը սահմանափակել է հարվածների խորությունը սահմանից 100 կմ հեռավորության վրա, ինչի պատճառով ռուսական առանցքային օդանավակայանները, որոնցից օդանավերը թռչում են ուկրաինական քաղաքները գրոհելու համար, դուրս են եկել շառավիղից:

News.am