Հայ Ազգային Կոնգրես. Փաշինյանը շարունակում է ազգի նույնականությունը ոչնչացնելու քաղաքականությունը
Փաշինյանը նպատակ ունի զոմբիացնել և վախեցնել սթրեսի մեջ գտնվող հասարակությանը, նա շարունակում է հասարակության թուլացման քաղաքականությունը՝ վարելով ազգի նույնականությունը ոչնչացնելու քաղաքականությունը։ Այս մասին NEWS.am-ի թղթակցի հետ զրույցում նշել է Հայ ազգային կոնգրես կուսակցության փոխնախագահ Արամ Մանուկյանը։
«Ցանկացած ժողովուրդ փորձում է հիմքեր գտնել, որոնց շուրջ կարող է համախմբել հասարակությանը և արտաքին մարտահրավերներին դիմակայելու համար ներքին համախմբում ձևավորել։ Բանակի օրինականացումը մեծ սխալ անվանելը լրջագույն դավաճանություն է ինքնապաշտպանության համակարգին։
Նույնիսկ Սփյուռքն արդեն ձեռքերը լվացել է Հայաստանից, քանի որ նրա գոյությունը կապված է Արևմտյան Հայաստանի հետ, որը հայության նույնականության պատվարներից է։ Դա տեղի ունեցավ իշխանությունների կողմից Հայոց ցեղասպանությունը որպես հանցագործություն ոչ միայն հայերի, այլև մարդկայնության դեմ համարելուց հրաժարվելու ֆոնին»,-ընդգծել է Մանուկյանը։
Նա համոզմունք է հայտնել, որ իրական Հայաստանի և պատմական Հայաստանի միջև բախում չկա: Փաշինյանը միայն քայքայում է հասարակության հոգեբանական հիմնակմախքը: Նրա գնահատմամբ՝ Փաշինյանը նախկին իշխանություններից որդեգրել է վատթարագույն երևույթները:
«Դա վերաբերում է ահաբեկմանը, շանտաժին և «հորդորներին»։ Որևէ մեկն իրավունք չունի պատգամավորին հորդորել հրաժարվել մանդատից, հատկապես խորհրդարանական երկրում»,- նկատում է քաղաքական գործիչը՝ մեկնաբանելով իշխող կուսակցության պատգամավոր Հովիկ Աղազարյան հասցեին ուղղված Փաշինյանի «հորդորը»։
«Պատգամավորի մանդատը տալիս է ժողովուրդը: Ի՞նչ իրավունքով են փոխում զինանշանը, օրհներգը, պետական այլ խորհրդանիշները»,-եզրափակում է Մանուկյանը։