Արարատ Միրզոյանը կմեկնի Մոսկվա

ՀՀ արտգործնախարար Արարատ Միրզոյանն աշխատանքային այցով կմեկնի Ռուսաստան։ Տեղեկությունը հայտնում է ՀՀ արտգործնախարության մամուլի ծառայությունը։

«Հունվարի 21-ին Արարատ Միրզոյանն աշխատանքային այցով կգտնվի Մոսկվայում»,– ասված է հաղորդագրությունում։

Ծրագրված է Արարատ Միրզոյանի հանդիպումը ՌԴ արտգործնախարար Սերգեյ Լավրովի հետ, որից հետո նախարարները հանդես կգան համատեղ ասուլիսով։

Հիշեցնենք` Լավրովը հունվարի 14-ին հայտնել էր, որ Հայաստանի և Ռուսաստանի հարաբերություններում որոշակի բարդություններ կան, բայց երկխոսությունը շարունակվում է, և առաջիկայում նախատեսվում է Հայաստանի արտգործնախարար Արարատ Միրզոյանի այցը Մոսկվա։

Sputnik Արմենիա