Թրամփն իր երդմնակալությանն է հրավիրել հօգուտ Ադրբեջանի և Թուրքիայի կոռուպցիայի մեջ մեղադրվող Նյու Յորքի քաղաքապետին

Նյու Յորքի քաղաքապետ Էրիկ Ադամսը կմասնակցի նորընտիր նախագահ Թրամփի երդմնակալությանը՝ նոր վարչակազմի խնդրանքով, ասել է քաղաքապետի խոսնակը։

Նշվում է, որ Ադամսն ընդունել է հրավերը, հաղորդում է Fox News-ը։

Fox News-ը հիշեցնում է, որ Ադամսին մեղադրանք է առաջադրվել, որ նա արտոնություններ է տրամադրել թանկարժեք ճանապարհորդությունների և օտարերկրյա քաղաքացիների կողմից քարոզարշավի անօրինական ներդրումների համար՝ կոռուպցիոն գործողությունների դիմաց:

News.am