Տուգանքները մասամբ կներվեն. Կադաստրի կոմիտեն պատրաստվում է ուղղել թույլ տված սխալները
Քաղաքացիներին, Կադաստրի կոմիտեի ավելի վաղ թույլ տված սխալների պատճառով, կազատեն տուգանքների վճարման սպառնալիքից։ Այս մասին Ազգային ժողովի նիստում հունվարի 21-ին «Գնահատման գործունեության մասին» օրենքում փոփոխություններ և լրացումներ կատարելու մասին օրինագծի երկրորդ և վերջնական ընթերցմամբ քննարկման ժամանակ ասել է կոմիտեի ղեկավար Սուրեն Թովմասյանը։
Ըստ նրա՝ խոսքն այն իրավիճակների մասին է, երբ սխալներ են թույլ տրվել կադաստրային տվյալների թվայնացման ժամանակ։ Այդ պատճառով քաղաքացիները ավելի քիչ գույքահարկ են վճարել։ Գործող օրենսդրության համաձայն՝ քաղաքացիներից պահանջվում է ոչ միայն փոխհատուցել այդս տարիների ընթացքում չվճարված հարկերի չափը, այլև վճարել տույժեր և տուգանքներ։ Առաջարկվող նախագծով քաղաքացիները կազատվեն Կադաստրի թույլ տված սխալների պատճառով կուտակված տույժ-տուգանքների վճարման պարտավորությունից։
Թովմասյանը միաժամանակ խոստովանել է, որ սխալներ են թույլ տրվել հակառակ հերթականությամբ, այսինքն՝ քաղաքացիներին այս կամ այն պատճառով ստիպել են գերավճարներ կատարել անշարժ գույքի հարկի համար։ Եվ կրկին Կադաստրի կոմիտեի մեղքով։
Քաղաքացիների այս խմբին ևս իշխանությունները կընդառաջեն։ Նրանց կփոխհատուցեն գալիք վճարները (գույքահարկ)՝ ի հաշիվ վերահաշավարկի անցկացման։
News.am