ԶՊՄԿ-ում գործադուլն ավարտվել է

Հայաստանի թիվ մեկ հարկատու Զանգեզուրի պղնձամոլիբդենային կոմբինատում գործադուլն ավարտվել է։ Sputnik Արմենիայի հետ զրույցում ասաց ԶՊՄԿ-ի լրատվության և հասարակության հետ կապերի բաժնի պետ Արայիկ Մարգարյանը։

Աշխատակիցներն ընդունել են ղեկավարության ներկայացրած առաջարկները, և կոմբինատում արդեն արտադրական գործընթացները վերագործարկման փուլում են։

«Մեր գործընկերներն ընդունել են ներկայացված առաջարկները, մասնավորապես՝ հիմնական արտադրամասերի աշխատավարձերի համահարթեցում»,- նշեց Մարգարյանը։

Նրա խոսքով՝ կատարված բարեփոխումների արդյունքում կոմբինատի ընդհանուր աշխատավարձային ֆոնդը բարձրացվում է 20 տոկոսով։