Բաքվում կայացել է Արցախի նախկին ղեկավարների հերթական «դատը»

Բաքվում կայացել է Արցախի նախկին ղեկավարների հերթական «դատական նիստը»։

Ադրբեջանական լրատվամիջոցները հրապարակել են Արցախի նախկին նախագահ Արկադի Ղուկասյանի «ցուցմունքները». նա իբր պատմել է, թե ինչպես և ինչ պայմաններում են ադրբեջանցիները հեռացել Ստեփանակերտից, երբ է նա ծանոթացել Ռոբերտ Քոչարյանի, Սամվել Բաբայանի և այլ գործիչների հետ: Ղուկասյանից հետո ելույթ են ունեցել «տուժածները»։

Հաջորդ նիստը տեղի կունենա ապրիլի 18-ին:

Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով:

Sputnik Արմենիա