Իրանում լայնածավալ զորահանդես է անցկացվել

Իրանի Իսլամական Հանրապետությունն ապրիլի 17-ին նշել է Բանակի օրը լայնածավալ զորահանդեսով, որին մասնակցել է երկրի նախագահ Մասուդ Փեզեշքիանը, գրում է  Tasnim-ը։

Զորահանդեսը ցուցադրել է երկրի պաշտպանունակությունը, ներառյալ անօդաչու թռչող սարքերի ակնառու ցուցադրությունը:

Զորահանդեսին մասնակցել են ցամաքային զորքերի, ռազմաօդային, ռազմածովային և հակաօդային պաշտպանության զորքերի տարբեր հետևակային և մեքենայացված ստորաբաժանումներ։

Ցուցադրվել են հետախուզական և գրոհային, ներառյալ՝ Arash, Karrar, Amin, Sadeq, Mohajer-6, Ababil-5 և Kaman-12 անօդաչու թռչող սարքեր:

Անօդաչու թռչող սարքի ցուցադրությունից հետո իրանական բանակը ցուցադրել է իր ցամաքային մարտական մեքենաները՝ տանկեր, զրահատեխնիկա, հրետանի և Fath ​​360 հրթիռային համակարգը։

ՀՕՊ զորքերը ներկայացրել են իրենց ռադիոլոկացիոն, ինչպես նաև հրթիռային համակարգերը, դրանց թվում՝ С-300-ը և այլ զինատեսակներ։

News.am